"Уфа" бош директори Шамил Газизов бошқирдлар жамоасининг собиқ ярим ҳимоячиси, ҳозирда клубсиз қолган ҳамюртимиз Остон Ўрунов ҳақида гапирди.
Эслатиб ўтамиз, ўзбекистонлик футболчининг сўнгги клуби шу йилнинг октябрь ойида Ўрунов билан шартномани бекор қилган "Урал" бўлиб турибди. 22 ёшли ярим ҳимоячи екатеринбургликлар сафида учта ўйин ўтказишга муваффақ бўлди.
Газизовнинг сўзларига кўра, Ўрунов ўтган мавсумда "Уфа"га қайтиш таклифини олган.
“У яхши йигит, у ўзини енгиши керак. Йигит адашиб қолди...", - дея Газизовнинг сўзларидан иқтибос келтиради "Матч ТВ".
Айни дамда “Уфа” 20-турдан кейин 18 очко жамғарган ҳолда Биринчи лига турнир жадвалида 16-ўринни эгаллаб турибди.
