"Брайтон" бош директори Пол Барбер клуб ярим ҳимоячи Алексис Мак Аллистер билан янги шартнома имзолаш борасида музокаралар олиб бораётганини маълум қилди.
23 ёшли ярим ҳимоячи Аргентина терма жамоаси таркибида ЖЧ-2022да олтита ўйин ўтказди ва Францияга қарши финалда голли узатмани қайд этди (3:3, 4:2).
“Биз жаҳон чемпионатидан олдин ҳам Алексис билан янги шартнома устида ишлаётган эдик. Биз Марадона билан Аргентина терма жамоасида ўйнаган Алексиснинг (Карлос) отаси билан бир неча бор учрашганмиз, шунинг учун бу ажойиб оилавий анъанадир ", - деди Барбер.
Мак Аллистернинг амалдаги шартномаси 2025 йилда тугайди ва томонлар ҳамкорликни узайтириш масаласини муҳокама қилишмоқда.
