Ўтган ҳафта охирида Аргентина финалда Францияни пенальтилар сериясида мағлуб этиб, жаҳон чемпионлигини қўлга киритди. Финал ҳуштаги янграганидан кўп ўтмай камера Лионель Мессининг аёлни қучоқлаб ўтирганини "нишонга" олди.
У узоқ вақт форвардни қучоқлади ва ҳатто унинг қулоғига нимадир айтиб йиғлади. Кўпчилик буни юлдуз футболчининг онаси деб ўйларди. Лекин йўқ. Маълум бўлишича, бу аёл Аргентина терма жамоасининг ошпази экан. Бу ҳақда El Gourmet хабар тарқатмоқда.
Эслатиб ўтамиз, жаҳон чемпионатининг муваффақиятли финалидан сўнг Лионель Месси халқаро фаолиятини давом эттириш ниятида эканлигини маълум қилганди. Энди мухлислар юлдуз форвардни Америка кубогида, балки кейинги жаҳон чемпионатида кутишмоқда.
