O‘tgan hafta oxirida Argentina finalda Fransiyani penaltilar seriyasida mag‘lub etib, jahon chempionligini qo‘lga kiritdi. Final hushtagi yangraganidan ko‘p o‘tmay kamera Lionel Messining ayolni quchoqlab o‘tirganini "nishonga" oldi.

U uzoq vaqt forvardni quchoqladi va hatto uning qulog‘iga nimadir aytib yig‘ladi. Ko‘pchilik buni yulduz futbolchining onasi deb o‘ylardi. Lekin yo‘q. Ma’lum bo‘lishicha, bu ayol Argentina terma jamoasining oshpazi ekan. Bu haqda El Gourmet xabar tarqatmoqda.

Eslatib o‘tamiz, jahon chempionatining muvaffaqiyatli finalidan so‘ng Lionel Messi xalqaro faoliyatini davom ettirish niyatida ekanligini ma’lum qilgandi. Endi muxlislar yulduz forvardni Amerika kubogida, balki keyingi jahon chempionatida kutishmoqda.