"Манчестер Юнайтед" ярим ҳимоячиси Скотт Мактоминай жамоадошларининг етакчилик фазилатлари ҳақида ўз фикрларини билдириб ўтди.
Мавсум бошланишидан олдин "қизил иблислар" сардори ўзгариши мумкинлиги ҳақидаги хабарлар пайдо бўлди, чунки Гарри Магуайрнинг қобилияти шубҳа остида эди, бироқ ҳимоячи боғични сақлаб қолди.
"Гарри Магуайр ажойиб сардор, у бу ролга жуда мос келади. Бруну Фернандеш ва Давид де Хеа ҳам етакчи ва жуда тажрибали футболчилар, Рафаэль Варан ҳақида ҳам шундай дейиш мумкин. Уларга қараб, биз намуна олмоқчимиз.
Мен келажакда сардор бўлишни хоҳлайманми? Сиз нима бўлишини ҳеч қачон билмайсиз, лекин ҳозир мен сардоримиздан ва ҳамма нарсанинг иш услубидан тўлиқ қониқдим", - деди шотландиялик футболчи.
