"Manchester Yunayted" yarim himoyachisi Skott Maktominay jamoadoshlarining yetakchilik fazilatlari haqida o‘z fikrlarini bildirib o‘tdi.

Mavsum boshlanishidan oldin "qizil iblislar" sardori o‘zgarishi mumkinligi haqidagi xabarlar paydo bo‘ldi, chunki Garri Maguayrning qobiliyati shubha ostida edi, biroq himoyachi bog‘ichni saqlab qoldi.

"Garri Maguayr ajoyib sardor, u bu rolga juda mos keladi. Brunu Fernandesh va David de Xea ham yetakchi va juda tajribali futbolchilar, Rafael Varan haqida ham shunday deyish mumkin. Ularga qarab, biz namuna olmoqchimiz.

Men kelajakda sardor bo‘lishni xohlaymanmi? Siz nima bo‘lishini hech qachon bilmaysiz, lekin hozir men sardorimizdan va hamma narsaning ish uslubidan to‘liq qoniqdim", - dedi shotlandiyalik futbolchi.