"Барселона" қишки трансфер ойнасида 20 ёшли ҳужумчи Ансу Фати билан хайрлашмоқчи, деб хабар бермоқда Goal портали.

Манба берган хабарга кўра, "кўк-анорранглилар" мураббийлар штаби Фатига ишонч билдириш ниятида эмас. Қайд этилишича, "Барселона" ўз тарбияланувчисини сотишдан камида 80 миллион евро ишлаб олмоқчи.

Фатининг Каталония клуби билан амалдаги шартномаси 2027 йилнинг ёзига қадар тузилган. Transfermarkt портали Испания терма жамоаси футболчисини 50 миллион еврога баҳолади.

Жорий мавсумда ёш футболчи “Барселона” сафида 20 та ўйин ўтказиб, 3 та гол ва 3 та голли узатмага муаллифлик қилган.