"Barselona" qishki transfer oynasida 20 yoshli hujumchi Ansu Fati bilan xayrlashmoqchi, deb xabar bermoqda Goal portali.

Manba bergan xabarga ko‘ra, "ko‘k-anorranglilar" murabbiylar shtabi Fatiga ishonch bildirish niyatida emas. Qayd etilishicha, "Barselona" o‘z tarbiyalanuvchisini sotishdan kamida 80 million yevro ishlab olmoqchi.

Fatining Kataloniya klubi bilan amaldagi shartnomasi 2027 yilning yoziga qadar tuzilgan. Transfermarkt portali Ispaniya terma jamoasi futbolchisini 50 million yevroga baholadi.

Joriy mavsumda yosh futbolchi “Barselona” safida 20 ta o‘yin o‘tkazib, 3 ta gol va 3 ta golli uzatmaga mualliflik qilgan.