Футбол бўйича Мексика олимпия терма жамоаси Лондон олимпиадасининг ярим финалида Япония олимпия терма жамоаси устидан иродали ғалабага эришиб, камида кумуш медал масаласини ҳал қилишди.
Гарчи ўйинда японлар тезкор гол киритишган эса-да, биринчи бўлимнинг ўзидаёқ Фабиан ҳисобни тенглаштирди, сўнг ўйиннинг иккинчи бўлимида Пералта лотин америкаликларни олдинга олиб чиқди. Ўйин шу ҳисобда якунланай деб турган бир паллада ҳужумга жон жаҳди билан берилиб кетган японлар яна бир карра жазоландилар. Кортес якуний ҳисобни ўрнатди – 3:1.
Олимпиада-2012. Футбол. Эркаклар. 1/2 финал
МЕКСИКА - ЯПОНИЯ 3:1 (1:1)
Голлар: Отсю, 12 (0:1). Фабиан, 31 (1:1). Пералта, 65 (2:1). Кортес, 90+3 (3:1)
