"Барселона" ярим ҳимоячиси Френки де Йонг "Челси" ва "Манчестер Юнайтед"нинг қизиқишларини эътиборсиз қолдиришда давом этмоқда.

Журналист Фабрицио Романонинг сўзларига кўра, “қизил иблислар”нинг нидерландиялик футболчини қўлга киритиш борасидаги янги уринишлари ҳақидаги миш-мишларга қарамай, футболчи ёздан бери ўз фикридан қайтгани йўқ ва ҳали ҳам “Камп Ноу”да қолишни истамоқда.

Шу йилнинг июль ойида "Барселона"нинг ўзи Де Йонгни сотишга рози бўлди, чунки футболчи клубда маош бўйича юқори ўринда туради. Нидерландиялик футболчига нисбатан “кўк-анорранглилар”нинг кейинги режалари ҳозирча номаълум.

Эслатиб ўтамиз, Френки Қатарда бўлиб ўтган жаҳон чемпионатида Нидерландия терма жамоаси сафида тўп сурган ва жамоаси билан чорак финалга қадар етиб борганди.