Австралия терма жамоаси аъзоси Жейсон Каммингс Оливье Жируни ЖЧ-2022 ўйинидан кейин унга либосини бермаганликда айблади. Австралияликнинг сўзларига кўра, Жиру инглиз тилини тушунмагандек қилиб, унга эътибор бермаган.
Оливье Жирунинг жавоби узоқ кутилмади. Тажрибали ҳужумчи ижтимоий тармоққа яна бир австралиялик футболчи Жексон Ирвиннинг формасини жойлаштирди. Эҳтимол, у билан Жиру футболкаларни алмаштирган.
"Салом, Жексон Ирвин. Менинг инглиз тилим ҳақида қандай фикрдасиз? - деб пост қолдирган Оливье Жиру.
Эслатиб ўтамиз, Жаҳон чемпионатида Франция гуруҳда Австралияни мағлуб этди - 4:1.
