Халқаро футбол федерацияси (ФИФА) расмий сайтида The Best-2022 совринига номзод бўлган дарвозабонлар рўйхатини эълон қилди.

Соврин учун даъвогарлар орасида Алиссон (“Ливерпуль”, Бразилия), Ясин Буну (“Севилья”, Марокаш), Тибо Куртуа (“Реал”, Бельгия), Доминик Ливакович (“Динамо Загреб”, Хорватия), Майк Меньян (“Милан”, Франция), Эмилиано Мартинес (Астон Вилла, Аргентина) ва Мануэль Нойер (Бавария, Германия).

Хулоса чиқаришда футболчиларнинг 2021 йил 8 августдан 2022 йил 18 декабргача бўлган даврдаги натижалари кўриб чиқилади.

Тақдирлаш маросими 2023 йил 27 февралда бўлиб ўтади. “Челси” ва Сенегал терма жамоаси дарвозабони Эдуард Менди ўтган йили “Энг яхши дарвозабон” деб топилган эди.