Fanatik нашрининг хабарига кўра, "Бешиктош" клубининг ҳужумкор ярим ҳимоячиси Рикардо Куарежма "Ливерпуль" клубига кўчиб ўтиши мумкин экан.
Инглизлар футболчи учун 8 миллион евро беришга тайёрлар. Португалиялик футболчига "қизиллар"нинг бош мураббийи Брендан Роджерс шахсан қизиқиб қолган.
Футболчининг ўзи ҳам, сўнгги интервьюларида Англия премьер лигасига кўчиб ўтишга қарши эмаслигини билдирган.
Аммо Туркия клуби футболчини 10 миллион евродан кам суммага сотмоқчи эмас, дейилади юқоридаги нашрда.