“Рома” бош мураббийи Жозе Моуриньо Португалия терма жамоаси бош мураббийлиги учун курашда фаворит, дея хабар бермоқда журналист Жанлука Ди Марцио сайти.
Манбага кўра, Португалия футбол федерацияси мутахассисни терма жамоани бошқаришга кўндириш ниятида. Муаммо "Рома"нинг позициясида бўлиши мумкин. Бу ҳолатда португалиялик мураббий учун товон пули тўлаши керак бўлади, чунки унинг римликлар билан шартномаси 2024 йилнинг ёзида якунига етади.
Эслатиб ўтамиз, Португалия терма жамоаси Фернанду Сантуш истеъфога чиқарилгач, мураббийсиз қолганди.
