"Вильярреал" вингери Арно Данжума АПЛдан келган жамоанинг таклифини қабул қилиб, Англияга қайтишга тайёр, деб хабар беради Marca.
"Вильярреал"нинг собиқ бош мураббийи, ҳозирда "Астон Вилла"ни бошқараётган Унаи Эмери 25 ёшли нидерландиялик футболчини диққат билан кузатиб бормоқда.
Футболчи ёзда бошқа жамоага ўтмоқчи эди, аммо клуб раҳбарияти билан суҳбат уни яна бир муддат қолишга кўндирган.
Хабар қилинишича, июль ойида "Вест Хэм" Данжума учун 38,5 миллион фунт тўлашга тайёр эди.
Жорий мавсумда қанот ҳужумчиси 14 учрашувда 4 та гол уришга эришди.
2019 йилдан 2021 йилгача футболчи “Борнмут”да ўйнаган.
