Аргентина терма жамоаси дарвозабони Эмилиано Мартинес ўйиндан кейинги серияда пенальтидан фойдалана олмаган франциялик ярим ҳимоячи Аурелиен Тчуаменини қандай қилиб чалғитганини айтди.
Эслатиб ўтамиз, "оқ-кўклар" жаҳон чемпионати ғолибига айланишди ва ўз либосларига учинчи юлдузни қўшишди.
"Команни зарбасини қайтарганимдан кейин, иккинчи пенальтини амалга ошираётган футболчи асабийлашишини билардим. Мен Тчуаменни руҳий жиҳатдан синдиришга ҳаракат қилдим. Мен унга тўпни ўзим бериб, гапириб, чалғитмоқчи бўлдим. Натижада у ҳатто нишонга ҳам аниқ зарба бера олмади. У ҳамма нарсани барбод қилди", - деди Мартинес TyC Sports билан суҳбатда.
Эслатиб ўтамиз, Эмилиано Қатардаги жаҳон чемпионатининг энг яхши дарвозабони деб эътироф этилган эди.
