Эрлинг Холанд 2022 йилни самарали ўтказмоқда.
Кеча "Манчестер Сити" ҳужумчиси Лига кубоги 1/8 финалида "Ливерпуль"га (3:2) гол урди.
Эндиликда 22 ёшли форвард 2022 йилги 41 учрашувда “гол+пас” тизимида 51 (43+8) очкога эга. Бу кўрсаткич бўйича у "ПСЖ" ҳужумчиси Неймар (42 ўйинда 32+19) ва "Барселона" ҳужумчиси Роберт Левандовски (51 ўйинда 42+9)га етиб олди.
Холанддан кўпроқ очко фақатгина "ПСЖ"да ўйнайдиган Килиан Мбаппе ва Лионель Месси қўлга киритди. Франциялик футболчи 55 ўйинда 72 (55+17), аргентиналик 51 ўйинда 65 (35+30) очко жамғарган.
Шунингдек, 2022 йил якунлари бўйича етакчилар қаторида 58 ўйинда 50 (37+13) очко тўплаган Кристофер Нкунку, 61 ўйинда 48 (34+14) очко жамғарган Харри Кейн ва 54 ўйинда 45 самарали ҳаракат амалга оширган (18+27) Кевин де Брюйне ҳам бор.
