Қатарда бўлиб ўтган 2022 йилги жаҳон чемпионатида иштирок этган жамоалар 410 миллион евродан ортиқ мукофот пулига эга бўлишди.

NBC Sports хабарига кўра, турнирга йўлланма олган ва гуруҳ босқичидан ўта олмаган жамоаларга 8,5 миллион евро ажратилган.

1/8 финал иштирокчилари ҳар бири 12 миллион евродан, чорак финал иштирокчилари эса 16 миллион эвродан олди.

Турнирнинг тўртинчи жамоаси – Марокаш терма жамоаси 23,5 миллион ишлаб топган бўлса, Хорватия бронза медали соҳиблари 25,5 миллион олди.

Чемпионат финалчиси Франция 28 миллион даромад олган бўлса, турнир ғолиби Аргентина 37,5 миллионлик бўлган.