"Челси" Ромео Лавианинг "Саутгемптон"даги муваффақиятини кузатишда давом этмоқда.
Эслатиб ўтамиз, трансфер ойнасининг сўнгги кунларида "кўклар" бельгиялик учун 50 миллион евро таклиф қилишган, аммо "авлиёлар" рад жавобини беришган.
Журналист Жеймс Оллининг сўзларига кўра, "кўклар" раҳбарияти ҳозирча Лавиани қўлга киритиш ниятларидан воз кечмаган. Лондон жамоаси январь ойида трансферни амалга ошириш учун янги уринишлар қилиши мумкин.
Лавиа шу ёзда "Манчестер Сити"дан "Саутгемптон"га кўчиб ўтди. "Шаҳарликлар" тарбияланувчиси жорий мавсумда АПЛнинг 7 та ўйинида битта гол уришга муваффақ бўлди. Бу ягона гол “Челси” дарвозасига киритилган.
