Айни кунларда Бахтиёр Ашурматов бош мураббийлигидаги "Турон" сафига бир қатор маҳоратли футболчилар келиб қўшилиши давом этмоқда. Жумладан, бугун иқтидорли ҳужумчи Шоҳназар Норбеков ва яйпанликлар ўртасида бир йиллик муддатга мўлжалланган расмий шартномага имзо чекилди.
Шоҳназар Норбеков бугунга қадар "Қўқон-1912", АГМК, "Сурхон" ва "Металлург" клублари сафида майдонга тушган.
Шунингдек, бугун Ўзбекистон миллий терма жамоасига номзод футболчи Азим Аҳмедов ҳам жамоа сафига қўшилди.
Тажрибали футболчи ва клуб ўртасида бир йиллик муддатга мўлжалланган расмий шартномага имзо чекилди.
Маълумот учун, Азимжон Аҳмедов бугунга қадар "Навбаҳор", "Пахтакор" клубларида, шунингдек Ўзбекистон миллий терма жамоаси сафидаги ўзининг ёрқин ўйинлари билан футбол мухлисларининг меҳрини қозонган.
