6 август, душанба куни ўтказилган онлайн викторина кўпчиликда қизиқиш уйғотди. Ушбу лойиҳа ҳар душанба давом этади. Аммо биз душанбани кутиб ўтирмасдан, бугун яна бир марта викторина ўтказишга қарор қилдик. Бу сафар баъзи мухлисларнинг таклифини инобатга олган ҳолда, викторинани кечки маҳал — соат 20:00дан 22:00гача ўтказилади.

Олимпиада ўзбекистонликларни ҳаяжонда ушлаб турибди. Шу кунгача бор-йўғи 2та медаль олган бўлсак-да, медалларимиз сонининг ошишидан умидимиз бор. Ахир Пекин-2008да 6та медални қўлга киритгандикда. Ихтиёримизда яна беш кунлик мусобақалар турибди. Ана шу интригани инобатга олган ҳолда, бугун "Ўзбек спортчилари олимпиада ўйинларида" мавзусида "Онлайн викторина"ни ўтказамиз. Викторина қоидалари ўша-ўша: сизга ҳавола қилинган тест кўринишидаги викторина саволларига битта-битта жавоб берасиз. Викторина якунида рейтинг жадвалини эълон қиламиз.

Демак, бугун - 8 август соат 20:00да Онлайн Викторинани ўтказиб юборманг. Бу галги викторина ҳам совринли!