Англия терма жамоаси ва “Ливерпуль” клубининг собиқ ҳимоячиси Жейми Каррагер “қизиллар” АПЛ чемпионлигини қўлга киритиш учун таркибни кучайтиришига қанча пул сарфлаши кераклиги ҳақида ўз фикри билан ўртоқлашди.
"Менимча, Клопп раҳбариятдан келаси ёзда трансферлар учун 250 миллион сўраган. Бу жуда кўп кўринади, аммо "Манчестер Юнайтед" ва "Челси" охирги трансфер ойнасида шунча пул сарфлашди. Бундай пуллар "Ливерпул"нинг бевосита рақибларини кучайтиришга сарфланади.
Менимча, клубга таркибга жиддий сармоя керак. Улар янги ҳомийларни излашлари керак, мен Fenway Sports Group компаниясида бундай пул борлигига шубҳа қиламан, - деди Sky Sports эксперти Каррагер.
АПЛнинг 15-тури натижаларига кўра, "Ливерпуль" турнир жадвалида пешқадам бўлиб турган "Арсенал"дан 15 очкога ортда қолиб, олтинчи ўринни эгаллаб турибди.
