ЖЧ-2022 олдидан халқаро фаолиятини якунлаган Мадриднинг “Реал” клуби ярим ҳимоячиси Тони Кроос Германия терма жамоасининг Қатардаги жаҳон чемпионатидаги омадсизлигида айбланмоқда.
Журналист Кристина Куберонинг айтишича, "қаймоқранглилар"нинг 32 ёшли ярим ҳимоячиси турнирда умуман иштирок этмаган бўлса-да, жамоанинг омадсиз иштирокига алоқадор, деб ҳисобланяпти.
Кроос ижтимоий тармоқларда: "Кимдир муваффақиятсизликда мени айблашини билардим", дея ёзган.
Эслатиб ўтамиз, Германия мундиалда гуруҳ босқичидан ўта олмай, муваффақиятсизликка учради. Ханс-Дитер Флик шогирдлари Испания, Япония ва Коста-Рика билан квартетда учинчи ўринни эгаллади.
