Ҳужумчи Лионель Месси "ПСЖ" билан шартномани узайтиришга рози бўлди, деб ёзади журналист Гильем Балаге.

35 ёшли аргентиналик футболчи 1+1 кўринишида янги шартнома имзолайди. Ҳаммаси аллақачон деярли келишилган, муддатидан тортиб, ҳозиргисидан кўра кўпроқ олинадиган иш ҳақигача.

Қайд этилишича, “Барселона” Леонинг қайтиш имкониятини муҳокама қилган, бироқ бу масала каталонияликларга тўғри келмади.

Ҳужумчи жорий мавсум “ПСЖ” сафида барча турнирлар доирасида 19 та ўйинда майдонга тушиб, 12 та гол урди ва 14 та голли узатмани амалга оширди.

Месси Аргентина терма жамоаси билан 2022 йилги жаҳон чемпионатида финалда Францияни 3:3, пенальтилар сериясида 4:2 ҳисобида мағлуб этди. У Қатардаги турнирнинг энг яхши футболчиси сифатида эътироф этилди.