Hujumchi Lionel Messi "PSJ" bilan shartnomani uzaytirishga rozi bo‘ldi, deb yozadi jurnalist Gilyem Balage.

35 yoshli argentinalik futbolchi 1+1 ko‘rinishida yangi shartnoma imzolaydi. Hammasi allaqachon deyarli kelishilgan, muddatidan tortib, hozirgisidan ko‘ra ko‘proq olinadigan ish haqigacha.

Qayd etilishicha, “Barselona” Leoning qaytish imkoniyatini muhokama qilgan, biroq bu masala kataloniyaliklarga to‘g‘ri kelmadi.

Hujumchi joriy mavsum “PSJ” safida barcha turnirlar doirasida 19 ta o‘yinda maydonga tushib, 12 ta gol urdi va 14 ta golli uzatmani amalga oshirdi.

Messi Argentina terma jamoasi bilan 2022 yilgi jahon chempionatida finalda Fransiyani 3:3, penaltilar seriyasida 4:2 hisobida mag‘lub etdi. U Qatardagi turnirning eng yaxshi futbolchisi sifatida e’tirof etildi.