Эртага соат 20:00да “Пахтакор” жамоаси “Бунёдкор” жамоасига қарши майдонга тушади.
“Камолот” ёшлар ижтимоий ҳаракати ва “Пахтакор” профессионал футбол клуби ўртасида ҳамкорлик ўрнатилгани боис мазкур баҳсга “Камолот” маълум миқдорда бепул чипталар тарқатади.
Мухлислар чипталарни “Камолот” ЙИҲ Марказий Кенгаши биноси(“Навоий” кЎчаси, 11-уй)дан олиб кетишлари мумкин. Мурожаат учун телефон: (8371) 170-90-35.
Эслатиб ўтамиз, айнан шу стадионда 17-август куни “Камолот” кубоги” финал ўйини бўлиб ўтади ва мазкур баҳсни Осиёнинг кетма-кет 4 карра энг яхши ҳаками Равшан Эрматов бошқариши кутилмоқда. Шунингдек, шу куни машҳурлар иштирокида шоу-дастур ҳам намойиш этилади.