"ПСЖ" "Арсенал" ҳимоячиси Вильям Салибага қизиқиш билдирмоқда, деб хабар беради Media Foot.
Парижликлар футболчининг “канонирлар” билан шартномаси 2023 йилнинг июнида якунланишини ҳисобга олиб, 21 ёшли франциялик футболчини ўз сафига қўшилишга кўндиришга умид қилишмоқда. Шу билан бирга, "Арсенал" футболчи билан шартномани бир йилга узайтириш имкониятига эга, бироқ клуб ҳали бундан фойдаланмаган.
2022/23 йилги мавсумда Салиба "Арсенал" сафида барча мусобақаларда 17 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt.com портали футболчининг нархини 50 миллион еврога баҳоламоқда.
