Италиянинг "Торино" клуби тез орада "Хоффенхайм" ва Хорватия терма жамоаси ҳужумчиси Андрей Крамарич билан шартнома имзолаши мумкин.
Torino Granata нашри хабарига кўра, 31 ёшли хорватиялик немис клуби билан янги шартнома борасида ҳали келишувга эришгани йўқ. Крамарични қўлга киритиш учун асосий даъвогар "Торино" бўлиб, у ҳужум чизиғини кучайтиришга ҳаракат қилмоқда.
Эслатиб ўтамиз, Қатардаги жаҳон чемпионатида Крамарич терма жамоа таркибида еттита учрашув ўтказиб, иккита гол урди ва бронза медалига сазовор бўлди.
Жорий мавсумда Андрей Крамарич Германия чемпионатида “Хоффенхайм” таркибида 14 та ўйин ўтказиб, 3 та гол урди ва 2 та голли узатмани амалга оширди.
