Italiyaning "Torino" klubi tez orada "Xoffenxaym" va Xorvatiya terma jamoasi hujumchisi Andrey Kramarich bilan shartnoma imzolashi mumkin.
Torino Granata nashri xabariga ko‘ra, 31 yoshli xorvatiyalik nemis klubi bilan yangi shartnoma borasida hali kelishuvga erishgani yo‘q. Kramarichni qo‘lga kiritish uchun asosiy da’vogar "Torino" bo‘lib, u hujum chizig‘ini kuchaytirishga harakat qilmoqda.
Eslatib o‘tamiz, Qatardagi jahon chempionatida Kramarich terma jamoa tarkibida yettita uchrashuv o‘tkazib, ikkita gol urdi va bronza medaliga sazovor bo‘ldi.
Joriy mavsumda Andrey Kramarich Germaniya chempionatida “Xoffenxaym” tarkibida 14 ta o‘yin o‘tkazib, 3 ta gol urdi va 2 ta golli uzatmani amalga oshirdi.
