"Реал Мадрид" "Жирона"да дебют мавсумини ўтказаётган тарбияланувчиси Мигель Гутьерресни жамоага қайтариши мумкин. Журналист Жанлука ди Марционинг ёзишича, “қироллик клуби” жорий мавсумда Испания чемпионатида иккита голли узатмани амалга оширган ҳимоячини фаол кузатиб бормоқда.
21 ёшли Гутьеррес шу йилнинг ёзида "Реал"ни тарк этди. "Жирона"га ўтиш орқали футболчи ўйин вақти кафолатига эга бўлди.
Қайд этилишича, кейинги ёзда Гутьеррес "Реал"да Ферланд Менди ўрнини эгаллаши мумкин.