Дортмунднинг "Боруссия" ва Германия терма жамоаси ҳужумчиси Юссуфа Мукоко сўнгги вақтларда ОАВда ўзи ҳақида чиқаётган хабарларга эътироз билдирди.
"ОАВда мен клубимнинг йилига 6 миллион евро маош таклиф қилинган янги шартномасини рад этганимни айтишмоқда? Мен ҳеч қачон бундай ёлғонни қабул қилмайман ва мен ҳали ҳам бу хабардан шокдаман - бу уят.
Мен бор эътиборимни “Боруссия” билан мавсумнинг иккинчи ярмига қаратганман. Футболчи ҳеч қачон клубдан ортиқ бўлмайди", - деди 18 ёшли форвард.
Аввалроқ, Мукокога "Барселона", "Челси" ва бир қатор Европанинг гранд клублари қизиқиш билдираётгани хабар қилинганди.