«Рома» форварди Тэмми Абрахам жамоа бош мураббийи Жозе Моуриньо ҳақида ўз фикрини билдириб ўтди.

"У ажойиб мураббий, ва албатта, ҳамма уни ўз жамоасида кўришни истайди. Португалия каби терма жамоа уни ўз сафига чорлаётгани мен учун шараф. Лекин ишончим комил, мураббий бор эътиборини "Рома"га қаратган.

Биз кўп хабарларни ўқидик, аммо бу ҳақда гаплашмадик. Моуриньо биздан ҳамиша футболчи сифатида ўсишимизни талаб қилади. Биз жорий мавсумда ўз мақсадларимизга эришиш учун ҳаракат қиляпмиз.

Аввал ҳам айтиб ўтганман: у мен учун амакидек. Мен мураббийларга нисбатан ҳамиша шундай муносабатда бўламан. У менинг энг яхши бўлишимни истайди. Шунинг учун ҳар жиҳатдан мотивация беради.

Ёмон ўйнаганимда ҳам, яхши ҳаракат қилганимда ҳам у менга гапиради. У ҳеч қачон қониқиш ҳосил қилмайди. Мени йўналтириб турадиган мураббий менга керак", – деди Абрахам.

Маълумот ўрнида. 25 ёшли англиялик футболчи А сериянинг жорий мавсумида 15та ўйинда иштирок этиб, 3 гол ва 1 ассист муаллифига айланди.