«Roma» forvardi Temmi Abraxam jamoa bosh murabbiyi Joze Mourinyo haqida o‘z fikrini bildirib o‘tdi.

"U ajoyib murabbiy, va albatta, hamma uni o‘z jamoasida ko‘rishni istaydi. Portugaliya kabi terma jamoa uni o‘z safiga chorlayotgani men uchun sharaf. Lekin ishonchim komil, murabbiy bor e’tiborini "Roma"ga qaratgan.

Biz ko‘p xabarlarni o‘qidik, ammo bu haqda gaplashmadik. Mourinyo bizdan hamisha futbolchi sifatida o‘sishimizni talab qiladi. Biz joriy mavsumda o‘z maqsadlarimizga erishish uchun harakat qilyapmiz.

Avval ham aytib o‘tganman: u men uchun amakidek. Men murabbiylarga nisbatan hamisha shunday munosabatda bo‘laman. U mening eng yaxshi bo‘lishimni istaydi. Shuning uchun har jihatdan motivasiya beradi.

Yomon o‘ynaganimda ham, yaxshi harakat qilganimda ham u menga gapiradi. U hech qachon qoniqish hosil qilmaydi. Meni yo‘naltirib turadigan murabbiy menga kerak", – dedi Abraxam.

Ma’lumot o‘rnida. 25 yoshli angliyalik futbolchi A seriyaning joriy mavsumida 15ta o‘yinda ishtirok etib, 3 gol va 1 assist muallifiga aylandi.