"Манчестер Юнайтед" ҳеч қачон ПСВ ҳужумчиси Коди Гакпони асосий мақсад сифатида кўрмаган. Журналист Ховард Нурснинг ёзишича, нидерландиялик футболчига “Манчестер Юнайтед” қизиқиш билдирган, бироқ клуб уни Криштиану Роналду ўрнига асосий номзод деб ҳисобламаган.
Эслатиб ўтамиз, Гакпо охир-оқибат "Ливерпул"га ўтганди. Мерсисайдликлар бу трансфер учун 50 миллион евро тўлайди. Яқин орада футболчи шартнома имзолаш ва трансферни якунлаш учун Англияга учиб кетади.
"Манчестер Юнайтед"да янги ҳужумчи учун бошқа номзодлар бор. Улар орасида икки нафар португалиялик “Бенфика”дан Гонсалу Рамуш ва Мадриднинг “Атлетико” клубидан Жоау Феликс бор.
