"Манчестер Юнайтед" ПСВ ва Нидерландия терма жамоаси ҳужумчиси Коди Гакпони "қизил иблислар" хўжайинлари, ака-ука Глейзерлар клубни сотиш ниятида бўлганлиги харид қила олмади, деб хабар беради Daily Mail.
Манбага кўра, клуб сотилишгача бўлган даврда футболчилар "Манчестер Юнайтед"га фақат ижара асосида ўтишлари мумкин.
27 декабрь куни ПСВ ўзининг расмий сайтида Гакпонинг "Ливерпуль"га ўтаётганини эълон қилди. The Athletic хабарига кўра, трансфер нархи 45 миллион еврони ташкил қилади.
23 ёшли вингер жорий мавсумда Нидерландия чемпионатида 14 та ўйинда майдонга тушиб, 9 та гол урди ва 12 та голли узатмани амалга оширди.
2022 йилги жаҳон чемпионатида Гакпо терма жамоаси сафида бешта ўйин ўтказиб, учта гол урган.
