Аргентина футбол ассоциацияси раҳбари Клаудио Тапиа ташкилот терма жамоа бош мураббийи Лионель Скалони билан ҳамкорликни давом эттиришни режалаштираётганини айтди.
“Скалони - Аргентина терма жамоаси мураббийи. Биз иккаламиз ҳам бир сўзли одамларимиз. Ўзаро оғзаки келишиб олдик. У фарзандларидан бирининг паспорт масаласини ҳал қилиш учун Испанияга борган. У мамлакатга қайтгач, биз яна гаплашамиз", - деди Тапиа Tyc Sports телеканалига.
44 ёшли Скалони Аргентина терма жамоасини 2018 йилдан буён бошқариб келади. Унинг қўл остида жамоа Америка кубоги, Финалиссима ва Қатарда бўлиб ўтган 2022 йилги жаҳон чемпионатида ғолиб чиқди. Мутахассиснинг амалдаги шартномаси шу йил охирида тугайди.
