Хабарингиз бор, "Андижон" Суперлигада муносиб иштирок этиш учун янги мавсумга тайёргарлигини 15 декабрдан ўз қароргоҳида бошлаганди ва 26 декабрь куни илк йиғин якунига етди.

Бош мураббий Александр Хомяков биринчи босқичдаги машғулотларда асосан маҳаллий ёшларни синовдан ўтказиб олди.

26 декабрь санасида “Навбаҳор-фарм”га қарши назорат учрашуви орқали ўйинчиларнинг имкониятларини чамалаб олди.

Мазкур учрашувдан сўнг жамоа аъзоларига қисқа муддатли таътил берилди. Энди “Андижон”нинг иккинчи босқич йиғини 3-21 январь оралиғида Дукентда ўтказилиши режалаштирилган.

Яна шуни ҳам маълумот сифатида айтиб ўтишимиз жоизки, январь ойида бошланадиган йиғинда таркибга янги футболчилар қўшилишади. Ҳозирда бир қатор ўйинчилар билан қизғин музокаралар олиб бориляпти.