Xabaringiz bor, "Andijon" Superligada munosib ishtirok etish uchun yangi mavsumga tayyorgarligini 15 dekabrdan o‘z qarorgohida boshlagandi va 26 dekabr kuni ilk yig‘in yakuniga yetdi.

Bosh murabbiy Aleksandr Xomyakov birinchi bosqichdagi mashg‘ulotlarda asosan mahalliy yoshlarni sinovdan o‘tkazib oldi.

26 dekabr sanasida “Navbahor-farm”ga qarshi nazorat uchrashuvi orqali o‘yinchilarning imkoniyatlarini chamalab oldi.

Mazkur uchrashuvdan so‘ng jamoa a’zolariga qisqa muddatli ta’til berildi. Endi “Andijon”ning ikkinchi bosqich yig‘ini 3-21 yanvar oralig‘ida Dukentda o‘tkazilishi rejalashtirilgan.

Yana shuni ham ma’lumot sifatida aytib o‘tishimiz joizki, yanvar oyida boshlanadigan yig‘inda tarkibga yangi futbolchilar qo‘shilishadi. Hozirda bir qator o‘yinchilar bilan qizg‘in muzokaralar olib borilyapti.