"Манчестер Юнайтед" Коди Гакпонинг трансфери муваффақиятсизликка учрагани учун "Реал" ярим ҳимоячиси Марко Асенсиога қизиқиш билдирмоқда. Бу ҳақда Sport.es ёзмоқда.
Гап шундаки, Асенсионинг “қаймоқранглилар” билан шартномаси олти ойдан кейин якунланади ва у бошқа жамоалар билан янги шартнома борасида расман мулоқот ўтказиши мумкин. Бундан ташқари, аввалроқ Асенсио "Реал"да ротация ўйинчиси бўлишига рози эмаслигини айтганди.
Аммо манкунианликлар тезроқ ҳаракат қилишга қарор қилишди ва манбага кўра, футболчини шу қишда қўлга киритишмоқчи.
Жорий мавсумда Асенсио “Реал” сафида 15 та ўйин ўтказиб, 3 та гол ва 3 та голли узатмани амалга оширган.
