"Ливерпуль" Энцо Фернандес бўйича ҳеч қандай таклиф билдирмаган.
Инсайдер Фабрицио Романо хабарига кўра, инглиз клуби 21 ёшли марказий ярим ҳимоячининг трансфери бўйича "Бенфика"га расмий таклиф юбормаган. Айни вақтда мерсисайдликлар аргентиналикга жиддий қизиқиш билдиришмоқда ва португал клуби билан мулоқот қилишмоқда. Манбанинг қайд этишича, футболчи учун кураш давом этмоқда.
Аввалроқ Энцонинг товон пули 120 миллион еврони ташкил қилгани хабар қилинганди. Бу суммани "Челси" тўлашга тайёрлиги ҳақида маълумот бор.