"Милан" ва Франция терма жамоаси ҳимоячиси Тео Эрнандес "Реал Мадрид"нинг трансфер мақсадлари рўйхатида, деб хабар беради Inter Live.
Манбага кўра, Эрнандесни қўлга киритиш учун курашда "Реал" "Париж Сен-Жермен" ва "Челси" билан рақобатлашади. Аввалроқ, ОАВ 25 ёшли футболчига "Манчестер Сити"дан ҳам қизиқиш билдираётгани ҳақида ёзган эди.
Эслатиб ўтамиз, Эрнандес 2017 йилнинг июлидан 2019 йилнинг июлигача бўлган даврда "Реал"да ўйнаган. Бу вақт ичида у "қаймоқранглилар" сафида 23 та ўйин ўтказган.