Лондоннинг “Челси” клуби айни дамда Аргентина терма жамоасининг яна бир ярим ҳимоячисига қизиқиш билдирмоқда. Repubblica хабарига кўра, "аристократлар" "Бенфика"дан Энцо Фернандесдан ташқари "Брайтон"да ўйнайдиган Алексис Макаллистерни ҳам таркибга жалб қилмоқчи.
Эътибор беринг, "Челси"нинг ҳозирги устози Грем Поттер ўз вақтида Макаллистерга жиддий ўсишга ва "Брайтон"нинг асосий жамоасидан жой олишга ёрдам берган. Тransfermarkt 24 ёшли ярим ҳимоячини 42 миллион еврога баҳоламоқда.
Агар "Челси" аргентиналик футболчини қўлга кирита олмаса, клубнинг иккинчи танлови "Интер" ярим ҳимоячиси Николо Барелла бўлади.
