Аргентина терма жамоаси ва “Астон Вилла” дарвозабони Эмилиано Мартинес фаолиятини Италияда давом эттириши мумкин. "Ювентус" аргентиналик дарвозабон хизматларига қизиқиш билдирмоқда, деб хабар беради Calciomercato.
Манбага кўра, Мартинес эвазига "Ювентус" "Астон Вилла"га ўз дарвозабони Войцех Шеснини таклиф қилишга тайёр. Қайд этилишича, польякнинг ўзи Туринни тарк этишни истамаяпти.
Эслатиб ўтамиз, аввалроқ ОАВда “Астон Вилла” Мартинесдан қутулмоқчи эканлиги ҳақида хабарлар тарқалган эди.