Argentina terma jamoasi va “Aston Villa” darvozaboni Emiliano Martines faoliyatini Italiyada davom ettirishi mumkin. "Yuventus" argentinalik darvozabon xizmatlariga qiziqish bildirmoqda, deb xabar beradi Calciomercato.
Manbaga ko‘ra, Martines evaziga "Yuventus" "Aston Villa"ga o‘z darvozaboni Voysex Shesnini taklif qilishga tayyor. Qayd etilishicha, polyakning o‘zi Turinni tark etishni istamayapti.
Eslatib o‘tamiz, avvalroq OAVda “Aston Villa” Martinesdan qutulmoqchi ekanligi haqida xabarlar tarqalgan edi.