Жаҳоннинг энг тез юугурвчи спортчиси, 100 метрга югуриш мусобақаларида Лондон Олимпиадаси чемпиони ҳисобланган Усайн Болт, бу ғалабалар билан чекланиб қолмоқчи эмаслигини ва 200 метрга югуриш мусобақаларида яна бир жаҳон рекордини ўрнатишни ният қилганини айтиб ўтди.
"Мен ушбу Олимпиадада менга етадиган спортчи йўқлигини яна бир бор исботладим. Бундан жуда ҳурсандман. Аммо мен бу биллан тўхтаб қолмоқчи эмасман. Ҳозир мен 200 метрлик пойгада жаҳон рекордини янгилашим керак. Мен аллақачон бу масофани 19 сониядан тезроқ босиб ўтишни мақсад қилганман. Бу эса бутун югуриш тариҳида янги саҳифа бўлади", дейди ямайкалик спринтер журналистларга берган интервьюсида.
Таъкидлаш лозимки, айни пайтда 200 метрга югуриш мусобақаларидаги жаҳон рекорди ҳам айнан Болтга тегишли. Ушбу рекорд айни дамда 19.19 сонияни ташкил этади.
Эслатиб ўтамиз, 200 метрга югуриш мусобақаларининг финал баҳси, бугун бўлиб ўтади.
