Афсонавий бразилиялик футболчи Пеле 3 январь куни дафн этилади, деб хабар беради “Сантос” клуби расмий сайти.
2 январ куни Пеленинг жасади у вафот этган касалхонадан Сантосдаги Вила Белмиро стадионига олиб кетилади. Футболчи билан хайрлашув маросими маҳаллий вақт билан эрталаб соат 10 да бошланади ва роппа-роса бир кун давом этади. Маросим ҳамма учун очиқ бўлади, лекин иштирок этишни хоҳловчиларга тобутга яқинлашиш тақиқланади.
Шундан сўнг Сантос кўчалари бўйлаб кортеж ўтади ва у Пеле дафн этиладиган Экуменик некропол ёдгорлигига йўл олади. Дафн маросимида жой фақат футболчининг оила аъзолари ва яқин дўстлари учун ажратилади.
