Afsonaviy braziliyalik futbolchi Pele 3 yanvar kuni dafn etiladi, deb xabar beradi “Santos” klubi rasmiy sayti.

2 yanvar kuni Pelening jasadi u vafot etgan kasalxonadan Santosdagi Vila Belmiro stadioniga olib ketiladi. Futbolchi bilan xayrlashuv marosimi mahalliy vaqt bilan ertalab soat 10 da boshlanadi va roppa-rosa bir kun davom etadi. Marosim hamma uchun ochiq bo‘ladi, lekin ishtirok etishni xohlovchilarga tobutga yaqinlashish taqiqlanadi.

Shundan so‘ng Santos ko‘chalari bo‘ylab kortej o‘tadi va u Pele dafn etiladigan Ekumenik nekropol yodgorligiga yo‘l oladi. Dafn marosimida joy faqat futbolchining oila a’zolari va yaqin do‘stlari uchun ajratiladi.