Мundo Deportivo хабарига кўра, "Ан-Наср" "Барселона" ярим ҳимоячиси Серхио Бускетсга қизиқиш билдирмоқда.
Манбанинг хабарига кўра, Саудия Арабистони клуби 34 ёшли футболчига катта пул таклифи билан чиққан. "Ан-Наср" қишда Бускетсни жамоага ўтишини истамоқда.
Қайд этилишича, ярим ҳимоячи ҳали ўз келажаги ҳақида бир қарорга келмаган ва бор эътиборини “Барселона”нинг кейинги ўйинларига қаратиш ниятида.
Бускетс жорий мавсумда “Барселона” сафида барча турнирларда 16 та ўйинда майдонга тушди ва 1 та голли узатмани амалга оширди.