"Барселона" бош мураббийи Хави Роберт Левандовски "Эспаньол"га қарши Ла Лиганинг 15-тур учрашувида майдонга тушишига рухсат берилгани ҳақидаги хабарга изоҳ берди.
“Биз Левандовски ҳақида машғулот охирида билиб олдик, ўшанда унинг йўқлиги сабабли вариантлар режалаштирилаётган эди.
Бу ажойиб янгилик, аммо ўйиндан бир кун олдин бу ҳақда билиш энг яхши дақиқа эмас.
У "Атлетико"га қарши ўйнай оладими ёки йўқми, билмайман", - дейди Хави.
Эслатиб ўтамиз, Мадрид суди Спорт судининг қарорини тўхтатиб қўйган ва Левандовски 3 ўйинга дисквалификация қилинганига қарамай, "Эспаньол"га қарши ўйнашга рухсат берган эди.
