«Милан», «Реал Мадрид» ва Бразилия терма жамоасининг собиқ ярим ҳимоячиси Кака яқинда жаҳон чемпионатида ғолиб чиққан аргентиналик ҳужумчи Лионель Мессига мурожаат қилди.
«Лео, сафимизга хуш келибсан. Сен ҳозир Чемпионлар лигаси, «Олтин тўп» ва жаҳон чемпионатини қўлга киритган футболчилар рўйхатидасан», деб ёзди бразилиялик футболчи ижтимоий тармоқда.
Месси Аргентина терма жамоаси билан Қатарда бўлиб ўтган ЖЧ-2022да ғолиб чиқди. Жаҳон чемпионатининг финал учрашувида жанубий америкаликлар Франция терма жамоасини мағлуб этишди (3:3, пенальтилар бўйича 4:2). Ушбу турнирда Лионель еттита гол урди ва учта голли узатмани амалга оширди.